نواز شریف کے ساتھ مکافات عمل ہورہا ہے، قمر زمان کائرہ PPP qamar zaman
The news is by your side.

Advertisement

نواز شریف کے ساتھ جو کچھ ہورہا ہے وہ مکافات عمل ہے، قمر زمان کائرہ

اسلام آباد: پاکستان پیپلزپارٹی کے رہنما قمر زمان کائرہ نے کہا ہے کہ نواز شریف کے ساتھ جو کچھ ہورہا ہے وہ مکافات عمل  ہے، میاں صاحب نے ماضی میں بی بی شہید کے ساتھ بھی ایسا ہی کیا تھا، آپ کو جیل بھیجنا چاہئے۔

ان خیالات کا اظہار انہوں نے میڈیا سے گفتگو کرتے ہوئے کیا، قمر زمان کائرہ نے کہا کہ ابھی تو نیب کے چکر کاٹ رہے ہیں، بعد میں سلاخوں کے پیچھے ہوں گے، موجودہ حکمران جمہوری تسلسل کو خراب کرنا چاہتے ہیں۔

رہنما پیپلزپارٹی نے کہا کہ میاں صاحب منافقت ہم نہیں آپ کررہے ہیں، آپ تو معاہدہ کرکے سعودی عرب چلے گئے تھے، پیپلزپارٹی معاہدہ کرکے بھاگنے والی نہیں ہے۔

انہوں نے کہا کہ چیئرمین سینیٹ کے انتخاب کو تماشا کہا گیا، ن لیگ کا امیدوار جیت جاتا تو کہتے الیکشن ٹھیک ہوا، اب تو ایوانوں میں اگلی باری زرداری کے نعرے لگ گئے ہیں۔

قمر زمان کائرہ نے کہا کہ وہ لوگ کہتے ہیں سیاست نہیں منافقت ہورہی ہے، نواز شریف سے کہتا ہوں بتائیں منافقت کہاں ہورہی ہے؟ سینیٹ انتخابات سے پہلے کہتے تھے کہ ہمارے پاس نمبر پورے ہیں، کہا جاتا تھا کہ روک سکو تو روک لو، ہم نے روک لیا۔

یہ پڑھیں: میاں صاحب، ابھی آپ کی اور بھی چوریاں پکڑی جائیں گی: قمر زمان کائرہ

رہنما پیپلزپارٹی نے کہا کہ میاں صاحب اعلیٰ عدلیہ نے آپ کو جھوٹا قرا دیا، آپ نے جعلی قطری خط سپریم کورٹ میں جمع کرایا، ابھی آپ کی اور بھی چوریاں پکڑی جائیں گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں