The news is by your side.

Advertisement

بلاول بھٹو کو پارک لین ایشو میں ملوث کرنے کی شدید مذمت کرتے ہیں: قمر زمان کائرہ

لاہور: پیپلز پارٹی کے سینئر رہنما قمر زمان کائرہ نے کہا ہے کہ پارک لین ایشو میں بلاول کو ملوث کرنے کی شدید مذمت کرتے ہیں.

ان خیالات کا اظہار انھوں نے میڈیا سے گفتگو کرتے ہوئے کیا. قمر زمان کائرہ نے کہا کہ پیپلز پارٹی پر یلغار ہورہی ہے، پہلے آصف زرداری پھر فریال اور اب بلاول بھٹو کو ملوث کیا جارہا ہے.

سابق چیف جسٹس نےکہا تھا کہ بلاول کاایشوزسے تعلق نہیں، مگر آج پھر بلاول بھٹوکا نام شامل کرنے کی کوشش کی جارہی ہے.

انھوں نے حکومت کو آڑے ہاتھوں لیتے ہوئے کہا کہ بجٹ کو لوگ فیل بجٹ کہہ رہے ہیں، کسان تباہ ہورہا ہے، انڈسٹری بند ہو رہی ہے، تو ٹیکس کہاں سے آئے گا.

انھوں‌ نے کہا کہ پی ٹی آئی حکومت کو کسی اورکوطعنہ دینےکی ضرورت نہیں، اپنے آگے پیچھےدیکھیں.

مزید پڑھیں: جعلی اکاؤنٹس کیس : آصف زرداری کا مزید 13 روزہ جسمانی ریمانڈ منظور

خالی ہاؤس میں بلاول بھٹو کے خلاف قراداد پیش اورمنظور کی، اپوزیشن کے مضبوط رکن رانا ثنا کو کل گرفتارکیا گیا، انھیں ایک فرضی کہانی پر گرفتارکیا گیا ہے.

قمرزمان کائرہ کا کہنا تھا کہ رانا ثنا اللہ کو ہیڈ کوارٹر لے جاکر بتایا جاتا ہے کہ گاڑی سے منشیات برآمد ہوئی، کوئی ثبوت ، فوٹیج یا کوئی تصویرموجود نہیں.

خیال رہے کہ گزشتہ روز ن لیگ کے رہنما رانا ثنا اللہ کو اینٹی نارکوٹکس فورس نے گرفتار کیا تھا.

Comments

یہ بھی پڑھیں