The news is by your side.

Advertisement

بلاول بھٹو کے ٹرین مارچ کا مقصد حکومت گرانا نہیں: قمر زمان کائرہ

لاہور: پاکستان پیپلز پارٹی کے سینئر رہنما قمر زمان کائرہ نے کہا ہے کہ ٹرین مارچ کا مقصد حکومت گرانا نہیں.

ان خیالات کا اظہار انھوں نے میڈیا سے گفتگو کرتے ہوئے کیا. انھوں نے مزید کہا کہ عدالتوں کا احترام کرتے ہیں، ہم لڑنے کے لئے نہیں آئے.

پی پی اپنی افواج کے ساتھ ہے، جودہشت گردی کے خلاف جنگ لڑرہی ہے.

قمر زمان کائرہ

انھوں‌ نے کہا کہ نیب کا طریقہ کار غلط ہے، حکومت سے کوئی توقع نہیں، بیوروکریسی سے کہنا چاہتا ہوں کہ ریاست کے ملازم بنیں، پی ٹی آئی کی حکومت آج ہے، تو کل کوئی اور حکومت ہوگی، بلاول بھٹو کی نہیں، چیخیں حکومت کی نکلی ہیں، ٹرین مارچ پر تمام لوگ چیخ رہے ہیں، پہلے تو کہتے تھے کہ آؤ اسلام آباد میں دھرنا دو، کنٹینر دیں گے.

قمر زمان کائرہ نے کہا کہ پی پی کے گرفتار کارکنوں کو فی الفور رہا کیا جائے، آپ ادارے ہمارے خلاف استعمال کریں اور ہم عوام میں بھی نہ جائیں، یہ کیسے ممکن ہے، اگر جلسہ کرنا دباؤ ڈالنا ہوتا ہے، تو پھر آپ سندھ میں کیا کررہے تھے.

مزید پڑھیں: بلاول بھٹو کی قیادت میں پیپلزپارٹی کا کاروان بھٹو اپنی منزل لاڑکانہ پہنچ گیا

ان کا کہنا تھا کہ بھارت نے جب حملہ کیا تو اپوزیشن حکومت کے ساتھ کھڑی ہوگئی، پی پی اپنی افواج کے ساتھ ہے، جودہشت گردی کے خلاف جنگ لڑرہی ہے.

ان کا کہنا تھا کہ ماضی میں پیپلزپارٹی آمروں کا مقابلہ کرتی آئی ہے، اپوزیشن بیک فٹ پررہ کرنہیں کھیلے گی، اپنے مفاد کو نہیں بلکہ ملک کے مفاد کو سامنے رکھتے ہیں.

Comments

comments

یہ بھی پڑھیں