The news is by your side.

Advertisement

پرویز مشرف کو الیکشن لڑنے کی اجازت نہیں ملنی چاہیے: قمرزمان کائرہ

پی پی کے امیدوار بڑی حد تک فائنل ہوگئے ہیں، تمام صوبوں سے امیدوار کھڑے کریں گے

لاہور: پیپلزپارٹی کے سینئر رہنما قمر زمان کائرہ نے کہا ہے کہ سابق صدر پرویز مشرف کو الیکشن لڑنے کی اجازت نہیں ملنی چاہیے۔

ان خیالات کا اظہار انھوں نے اے آر وائی کے پروگرام ’’اعتراض ہے‘‘ میں گفتگو کرتے ہوئے کیا۔ ان کا کہنا تھا کہ پہلے بھی ایک اشتہاری کو سینیٹر بننے کا موقع دیا گیا۔

انھوں نے پرویز مشرف پر تنقید کرتے ہوئے یہ دعویٰ کیا کہ سابق صدر الیکشن سے قبل پاکستان واپس نہیں آئیں گے۔

قمرزمان کائرہ نے ایک سوال کے جواب میں کہا کہ پی پی کے امیدوار بڑی حد تک فائنل ہوگئے ہیں، ہم تمام صوبوں سے امیدوار کھڑے کریں گے۔

یاد رہے کہ چند روز قبل عدالت نے پرویز مشرف کو کاغذاتِ نامزدگی جمع کرانے کی اجازت دیتے ہوئے کہا کہ تھا وہ عدالت میں پیش ہوں، تو الیکشن کمیشن میں ان کی نامزدگی کے کاغذات وصول کر لیے جائیں گے۔

چیف جسٹس ثاقب نثار نے پرویز مشرف کی نا اہلی کے خلاف اپیل کی سماعت کرتے ہوئے کہا تھا کہ وہ 13 جون کولاہور رجسٹری آجائیں، انھیں پیشی تک گرفتار نہیں کیا جائے گا۔

چیف جسٹس کے اس بیان پر سابق وزیر اعظم میاں نواز شریف کی جانب سے کڑی تنقید کی گئی تھی۔ بعد ازاں پرویز مشرف نے چار حلقوں سے الیکشن لڑنے کا اعلان کیا تھا۔

اب پیپلزپارٹی کے سینئر رہنما کی جانب سے بھی اس فیصلے کو تنقید کا نشانہ بنایا گیا ہے۔


پرویز مشرف کا وطن واپسی کا فیصلہ، سپریم کورٹ کی طرف سے انتخابات میں حصہ لینے کی مشروط اجازت


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں