پنجاب حکومت شہریوں کو تحفظ دینے میں ناکام ہوگئی ہے، قمر الزماں کائرہ
The news is by your side.

Advertisement

پنجاب حکومت شہریوں کو تحفظ دینے میں ناکام ہوگئی، قمر الزماں کائرہ

لاہور : پاکستان پیپلز پارٹی پنجاب کے صدر قمر الزماں کائرہ نے کہا ہے کہ نیشنل ایکشن پلان پر عملدرآمد کرانا وفاقی حکومت کا کام تھا جس میں وہ بری طرح ناکام رہی ہے۔

قمر الزماں کائرہ لاہور میں میڈیا سے بات چیت کر رہے تھے انہوں نے کہا کہ نیشنل ایکشن پلان پر عمل در آمد کرانے پر ناکامی کا اعتراف وزیراعظم خود بھی کر چکے ہیں۔

انہوں نے کہا ہے کہ پنجاب میں امن و امان کی روز بہ روز مخدوش ہوتی صورتِ حال کے پیش نظر اگر رینجرز کی تعیناتی ضروری ہے ہو تو کسی دوسرے سانحہ کا انتظار کرنے کے بجائے فوری طور پر رینجرز کو تعینات کردینا چاہیے۔

قمر الزماں کا کہنا تھا کہ اگر پنجاب حکومت رینجرز کو تعینات نہیں کرنا چاہتی تو کم از کم پولیس کو ہی سیاسی دباؤ سے آزاد کر کے فری ہینڈ دے دیا جائے تو پنجاب پولیس بھی امن قائم کرنے میں ضرور کامیاب ہو جائے گی۔

انہوں نے کہا ہمیں اپنی فورسز پر فخر ہے اور سیکورٹی ادارے دہشت گردوں کو منہ توڑ جواب دینے کی بھرپور صلاحیت رکھتے ہیں اور دہشت گردی کے خلاف جنگ میں قربانیاں بھی دی ہیں۔

ہمارے دور میں دہشت گردی کے خلاف جنگ میں واضح کامیابیاں حاصل ہوئی تھیں اور ہمارے دور میں ہی سوات میں امن لایا گیا تھا جس کے لیے سیکیورٹی اداروں نے قربانیاں دیں۔

Comments

comments

یہ بھی پڑھیں