The news is by your side.

Advertisement

حکومت خود عام انتخابات میں تاخیر چاہتی ہے: قمر زمان کائرہ

اسلام آباد: پیپلز پارٹی کے رہنما قمر زمان کائرہ کا کہنا ہے کہ حکومت خود عام انتخابات میں تاخیر چاہتی ہے۔ شریف خاندان کو سزا ہوگئی تو یہ جمہوری نظام کا تسلسل نہیں چاہیں گے۔

تفصیلات کے مطابق پیپلز پارٹی کے رہنما قمر زمان کائرہ کا کہنا ہے کہ میاں صاحب ہمیشہ پوچھتے تھے مجھے کیوں نکالا۔ عدالت نے میاں نواز شریف کو بتا دیا کہ آپ کو کیوں نکالا، ’میاں صاحب آپ نے قوم سے جھوٹ بولا اسی لیے آپ کو نکالا گیا‘۔

انہوں نے کہا کہ ایک کڑی باقی رہ گئی وہ سانحہ ماڈل ٹاؤن کی ہے۔ میاں صاحب کے خاندان کا کیس منطقی انجام کو پہنچے گا۔

انہوں نے کہا کہ حکومت خود آئندہ انتخابات میں تاخیر کے راستے پر چل رہی ہے۔ مردم شماری نتائج کے بعد پارلیمانی اجلاس میں حکومت نے جھوٹ بولا۔ پیپلز پارٹی، ایم کیو ایم، تحریک انصاف کی جانب سے تحفظات کا اظہار کیا گیا۔ ’آئین کے تحت کابینہ واحد فورم نہیں جس سے فیصلے کیے جاتے ہیں‘۔

ان کے مطابق حکومت نے پارلیمنٹ کو اہمیت نہیں دی اسی لیے وہ بھگت رہے ہیں۔ پیپلز پارٹی کے مطالبے کے بعد حلقہ بندیوں کا معاملہ سی سی آئی میں گیا۔ وزیر اعظم اعلان کر کے 2 یا 3 گھنٹے سی سی آئی کے لیے نکال سکتے تھے۔

انہوں نے کہا کہ شہباز شریف صاحب آپ کا کیس بھی کھلنے والا ہے۔ طعنے دینے اور عوام کی عدالت سے پہلے قانون کی عدالت کا سامنا کریں۔ ’شریف خاندان کو سزا ہوگئی تو یہ جمہوری نظام کا تسلسل نہیں چاہیں گے‘۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں