site
stats
پاکستان

قندیل بلوچ قتل کیس ، مفتی عبدالقوی 4 روزہ جسمانی ریمانڈ پر پولیس کے حوالے

ملتان : معروف ماڈل قندیل بلوچ قتل کیس میں گرفتار ملزم مفتی عبدالقوی کو چار روزہ جسمانی ریمانڈ پر پولیس کے حوالے کردیاگیا۔

تفصیلات کے مطابق ملتان کی ڈسٹرکٹ اینڈ سیشن کورٹ میں جوڈیشل مجسٹریٹ پرویز خان نے قندیل بلوچ قتل کیس کی سماعت کی ، مفتی قوی کو ہتھکڑی لگا کر عدالت میں پیش کیا گیا، سماعت میں پولیس کی جانب سے ملزم کے 14 روزہ جسمانی ریمانڈ کی استدعا کی گئی۔

جوڈیشل مجسٹریٹ نے ریمانڈ کی استدعا مسترد کرتے ہوئے قندیل بلوچ قتل کیس میں گرفتار مفتی عبدالقوی کا چار روزہ جسمانی ریمانڈ منظور کرلیا۔

یاد رہے کہ گزشتہ روز مفتی عبد القوی کو ضمانت خارج ہونے پر جھنگ جاتے ہوئے ہائی وے پولیس کی مدد سے گرفتار کیا گیا تھا۔


مزید پڑھیں : قندیل بلوچ قتل کیس، مفتی عبدالقوی کو گرفتارکر لیا گیا


اس سے قبل قندیل بلوچ قتل کیس کی سماعت میں وکیل کے دلائل سننے کے بعد عدالت نے مفتی عبدالقوی کی درخواست ضمانت خارج کردی تھی اور انھیں گرفتار کرکے شامل تفتیش کرنے کا حکم دیا تھا۔

عدالت کی جانب سے ضمانت خارج ہونے کے بعد موقع ملنے پر مفتی عبدالقوی احاطہ عدالت سے فرار ہوگئے تھے۔

پولیس کے مطابق مفتی قوی پر مبینہ طور پر قندیل کے بھائیوں کو قتل کے لیے اکسانے کا الزام ہے۔

خیال رہے کہ مفتی عبدالقوی اور قندیل بلوچ کی ملاقات کی متنازعہ ویڈیو کے منظر عام پرآنے اور قندیل بلوچ کی جانب سے مفتی عبدالقوی کے لیے سخت بیان بھی سامنے آیا تھا، اسی پس منظر میں قندیل بلوچ کی والدہ نے بھی مفتی عبدلاقوی کو شامل تفتیش کرنے کی اپیل کی تھی۔

واضح رہے معروف ماڈل اور ممتاز شوبز شخصیت قندیل بلوچ کو اُن کے گھر واقع ملتان میں قتل کردیا گیا ،قندیل بلوچ اپنے والدین سے ملنے گھر آئی ہوئیں تھیں کہ رات سوتے ہوئے اُن کے بھائی نے وسیم نے گلا دبا کر قندیل بلوچ کو ہلاک کرکے گاؤں فرار ہو گیا تھا جہاں پولیس نے چھاپہ مار کارروائی میں ملزم کو گرفتار کرلیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top