The news is by your side.

Advertisement

ترقیاتی منصوبوں کا افتتاح وزیراعظم کی بلوچستان سے محبت کا ثبوت ہے، قاسم خان سوری

اسلام آباد/ کوئٹہ : ڈپٹی اسپیکر قومی اسمبلی قاسم خان سوری نے کہا ہے کہ بلوچستان میں میگا ترقیاتی منصوبوں کا افتتاح وزیراعظم کی بلوچستان کی عوام کے ساتھ گہری وابستگی کا واضح ثبوت ہے۔

یہ بات انہوں نے اپنے ایک بیان میں کہی، قاسم خان سوری نے بلوچستان میں میگا ترقیاتی کاموں کا افتتاح کرنے پر وزیراعظم پاکستان عمران خان کا شکریہ ادا کرتے ہوئے کہا کہ ان منصوبوں کی تکمیل سے صوبے سے پسماندگی کا خاتمہ ہوگا اور ترقی و خوشحالی کے نئے دور کا آغاز ہوگا۔

ڈپٹی اسپیکر نے کوئٹہ سے زوب تک ڈبل کیرج روڈ گوادر ائیرپورٹ اور بلوچستان ہیلتھ کمپلکس، کارڈیک سنٹر کے افتتاح کو ایک تاریخی قدم قرار دیا۔

انہوں نے کہا کہ ان منصوبوں کی تکمیل سے صوبے میں کاروباری سر گرمیوں میں اضافہ ہو گا روزگار کے مواقع پیدا ہو ں گے اور عوام کو بہترین طبی سہولیات کی فراہمی میسر ہوگی۔

انہوں نے گوادر سے کوئٹہ اور کوئٹہ سے تفتان تک ریلوے لائن بچھانے، کراچی سے گوادر تک سیری سروس اور دیگر ترقی منصوبوں کے اجراءکو بھی سراہا۔ انہوں نے کہا کہ ان منصوبوں کے اجراءکا اعلان وزیراعظم کی صوبے کے عوام سے گہری وابستگی کا اظہار ہے۔

ڈپٹی اسپیکر قومی اسمبلی نے کہا کہ بلوچستان کی پسماندگی کا خاتمہ اور صوبے کے عوام کا معیار زندگی بلند کرنا موجودہ حکومت کی اولین ترجیح ہے۔

قاسم خان سوری نے کہا کہ ماضی میں بلوچستان کی ترقی پر کوئی توجہ نہیں گئی اور جان بوجھ کر صوبہ کو پسماندہ رکھا گیا۔ انہوں نے کہا کہ عمران خان بلوچستان کی تعمیر و ترقی میں گہری دلچسپی رکھتے ہیں اوران کی طرف سے میگا ترقیاتی منصوبوں کا افتتاح اس بات کا واضح ثبوت ہے۔

؎انہوں نے اس اعتماد کا اظہار کیا کہ موجودہ حکومت وزیراعظم عمران خان کی قیادت میں نا صرف بلوچستان بلکہ پورے پاکستان کو ترقی کی راہ پر گامزن کرے گی۔

Comments

comments

یہ بھی پڑھیں