The news is by your side.

Advertisement

قاسم سوری نے مسجد نبوی ﷺ واقعے پر ایف آئی آرز اسلام آباد ہائی کورٹ میں چیلنج کردیں

اسلام آباد : تحریک انصاف کے رہنما قاسم سوری نے مسجد نبوی واقعے پر ا یف آئی آرز اسلام آباد ہائی کورٹ میں چیلنج کردیں ، جس میں کہا کہ پولیس اور ایف آئی اے کو ہراساں کرنے سے روکا جائے۔

تفصیلات کے مطابق تحریک انصاف کے رہنما قاسم سوری نے مسجد نبوی واقعے پرا یف آئی آرز کیخلاف اسلام آباد ہائی کورٹ میں درخواست دائر کردی۔

ایڈووکیٹ انتظار حسین اور نعیم حیدر ایڈووکیٹ کے ذریعے درخواست دائر کی گئی۔

درخواست میں موقف اختیار کیا گیا ہے کہ پولیس اورایف آئی اے کو ہراساں کرنے سے روکا جائے اور پولیس کو گرفتاری سے بھی روکا جائے۔

دائر درخواست میں کہا گیا کہ درخواست گزاراور دیگر کے خلاف درج ایف آئی آرزکو ریکارڈ پررکھا جائے اور مقدمات کے اندراج کی وجوہات سے آگاہی اوربنیادی حق یقینی بنایاجائے۔

‌درخواست میں استدعا کی گئی کہ ایف آئی اے اور پولیس کے قاسم سوری کے خلاف اقدامات غیرقانونی ہیں، عدالت کی طرف سے دی گئی ہدایات کی خلاف ورزی کی جا رہی ہے ،کسی کارروائی سے پہلے عدالت کو مطمئن کرنےکی ہدایت کی جائے

قاسم سوری کی جانب سے کہا گیا کہ مجھے اور تمام پی ٹی آئی قیادت کو غیرقانونی ہراسمنٹ سے روکا جائے اور تحریک انصاف کی قیادت کے خلاف توہین مذہب مقدمات کو خارج کیا جائے۔

Comments

یہ بھی پڑھیں