The news is by your side.

Advertisement

حکومت بیت المال کے زریعے یتیم بچوں کی کفالت کے لیے کام کررہی ہے، قاسم خان سوری

کوئٹہ : ڈپٹی اسپیکر قومی اسمبلی قاسم خان سوری کا کہنا ہے کہ یتیم ونادار اور لاوارث بچوں کے بھی معاشرتی حقوق ہیں، اس سے منہ موڑنا ان کے حقوق کی پامالی ہے۔

تفصیلات کے مطابق ڈپٹی اسپیکر قومی اسمبلی قاسم خان سوری نے پاکستان بیت المال بلوچستان کے زیر انتظام اسکول کا دورہ کیا۔ ڈپٹی اسپیکر قومی اسمبلی اسکول کے بچوں میں گھل مل گئے اور یتیم بچوں کے ساتھ کھانا کھایا۔

اس موقع پر ڈپٹی اسپیکر قومی اسمبلی نے گفتگو کرتے ہوئے کہا کہ اسلام ایک مکمل نظام حیات ہے، اس میں معاشرے کے ہر فرد کے حقوق کا خیال رکھا گیا ہے۔

قاسم سوری نے کہا کہ اللہ پاک نے کسی کو بے یارومددگار نہیں چھوڑا, اللہ تعالیٰ نے ہر ایک کے لیے ایسے اسباب وذرائع مہیا کر دیے ہیں کہ وہ آسانی کے ساتھ اللہ کی زمین پر رہ کر اپنی زندگی کے دن گزار سکے۔

ڈپٹی اسپیکر قومی اسمبلی نے کہا کہ یتیم ونادار اور لاوارث بچوں کے بھی معاشرتی حقوق ہیں، ان کی مکمل کفالت ان کے حقوق کی پاس داری ہے اور اس سے منہ موڑ لینا ان کے حقوق کی پامالی ہے۔

انہوں نے کہا کہ موجودہ حکومت بیت المال کے زریعے یتیم بچوں کی کفالت، تعلیم اور روزگار کے دن و رات کام کر رہی ہے اور وزیراعظم عمران خان کے ریاست مدینہ اور فلاحی کاموں کے وژن پر اترنے کی حتی الامکان کوششیں کر رہی ہے۔

Comments

یہ بھی پڑھیں