The news is by your side.

Advertisement

بچوں کے ساتھ بدفعلی کا کوئی معاملہ رپورٹ نہیں ہوا، رانا ثناءاللہ

لاہور : پنجاب کے سینئر وزیر رانا ثنا اللہ نے اعتراف کیا ہے کہ قصورمیں بچوں سے زیادتی کے واقعات کئی سال سے ہورہے ہیں۔

میڈیا سے گفتگو کرتے ہوئے رانا ثناء اللہ نے کہا کہ قصور میں بچوں کے ساتھ بدفعلی کا کوئی معاملہ رپورٹ نہیں ہوا جبکہ قصور میں دو گروپوں کے درمیان زمین کا تنازعہ چل رہا ہے۔

دونوں گروپ ایک دوسرے کے خلاف جھوٹے مقدمات درج کرواتےہیں۔ جبکہ ڈی پی اوکا کہنا ہے ویڈیو کلپس اصلی لگتےہیں، فرانزک ٹیسٹ کرائیں گے۔

قصور میں کم سن بچوں سے گھناونے کھیل کا حکومت پنجاب نے اعتراف کرلیا کہ ایسے واقعات کئی سال سے جاری ہیں۔

آر پی او نے پریس کانفرنس کرتے ہوئے کہا کہ معاملے کو زمین کے تنازعہ کی وجہ سے زیادہ اچھالا جارہا ہے، پریس کانفرنس کے دوران آر پی او نے کیمرے بند کرادیئے اور کہا کہ آف دی ریکارڈ کُھل کر بتائیں گے کہ کیا معاملہ ہے۔

ڈی پی او کا کہنا ہے کہ ویڈیوکلپس ملزمان کےموبائل فونزاورمیموری کارڈ سے ملے جو اصلی لگتےہیں فرانزک ٹیسٹ کرائیں گے۔

انہوں نے بتایا کہ آٹھ سال قبل بچوں سے زیادتی اور فلم بندی کی رپورٹس سامنے آئی تھیں جن کے بعد کیسز رجسٹر کئے گئے تھے جبکہ ملزمان کو گرفتار بھی کیا گیا تھا۔

Comments

comments

یہ بھی پڑھیں