کراچی : قصور واقعے کے خلاف سندھ اسمبلی میں مشترکہ مذمتی قرار داد منظور کرلی گئی۔
سندھ کے ایوان نے بھی انسانیت سوز واقعے کے خلاف مذمتی قرار داد منظور کرلی، مشترکہ قرارداد پیپلزپارٹی ، فنکشنل لیگ، تحریک انصاف اور مسلم لیگ ن کے اراکین کی جانب سے پیش کی گئی۔
قرار داد میں بچوں سے زیادتی کے جرائم میں ملوث ملزمان کو عبرتناک سزا دینے کا مطالبہ کیا ہے، قرارداد میں متاثرہ خاندانوں کو انصاف کی فراہمی یقینی بنانے کا مطالبہ بھی کیا گیا ہے۔
اس سے قبل سینیٹ ، قومی اسمبلی اور دیگر صوبائی اسمبلیوں میں بھی واقعے کے خلاف مذمتی قراردادیں منظور کی جاچکی ہیں۔
