اسلام آباد: پاکستان میں ہوائی اڈوں کی قسمت چمک اٹھی ، امیر قطر نے ملک کے پانچ بڑے ایئرپورٹس کو جدید ترین ہوائی اڈوں میں بدلنے کی پیشکش کردی۔
تفصیلات کے مطابق حکومت اس وقت ملک کے5بڑے ائیر پورٹس جدید ترین ہوائی اڈوں میں بدلنے کی کوشش کررہی ہے اور اس سلسلے میں امیر قطرشیخ تمیم بن حمد الثانی نےپاکستان کو تعاون کی پیشکش کر دی ہے ۔
حکومتی ذرائع کا کہنا ہے کہ یہ پیشکش وزیراعظم عمران خان کو امیر قطر کی جانب سے حالیہ دورہ پاکستان کے دوران کی گئی۔ بتایا جارہا ہے کہ قطرجدیدہوائی اڈوں کی تیاری میں مالی اورتکنیکی تعاون فراہم کرےگا۔
قطر کے تعاون سے پرانےائیر پورٹس کوجدید ٹیکنالوجی اور نئے ڈیزائن سےبدلا جائے گا، ذرائع کا کہن ہے کہ امیر قطر نے ائیر پورٹ سروسز کو آؤٹ سورس کرنے کا کہا ہے۔ امیر قطر کے مطابق وہ پاکستان کے پرانےائیر پورٹس کو قطر ائیر پورٹ کی طرز پر جدید بنائےجا سکتےہیں۔
ذرائع کا یہ بھی کہنا ہے کہ وزیر اعظم عمران خان نے اس حوالے سے مشاورت کے لیے اہم اجلاس کل طلب کر لیا ہے ،وزیرہوا بازی سمیت سول ایوی ایشن حکام اس اجلاس میں شریک ہوں گے۔ اجلاس میں ائیر پورٹ سروسز کو آوٹ سورس کرنے سےمتعلق حتمی فیصلہ کیا جائے گا۔ فیصلےپرعمل سےپاکستان کاشمارخوبصورت ترین ائیر پورٹس رکھنےوالے ممالک میں ہوگا۔