site
stats
پاکستان

قطر کے وزیر خارجہ پاکستان پہنچ گئے

اسلام آباد: قطر کے وزیر خارجہ شیخ محمد بن عبد الرحمٰن الثانی پاکستان پہنچ گئے جہاں وہ وزیر اعظم نواز شریف سے ملاقات کریں گے۔

تفصیلات کے مطابق قطر کے وزیر خارجہ شیخ محمد بن عبد الرحمٰن الثانی پاکستان پہنچ گئے۔ ذرائع کے مطابق قطری وزیر خارجہ اعلیٰ حکام سے ملاقاتیں کریں گے۔

ذرائع کا کہنا ہے کہ شیخ محمد بن عبد الرحمٰن الثانی سے ملاقاتوں میں قطر سعودی عرب تنازعے سمیت دیگر امور پر بھی بات چیت کی جائے گی۔ ملاقات کے دوران قطری شہزادے کے خط سے متعلق بھی گفتگو کی جائے گی۔

خیال رہے کہ گزشتہ ماہ سعودی عرب اور مصر سمیت 7 عرب ممالک نے سیکیورٹی وجوہات پر قطر سے سفارتی تعلقات منقطع کر دیے تھے۔ سعودی سربراہی میں قائم فوجی اتحاد نے قطر پر القاعدہ اور داعش کی حمایت کا الزام عائد کیا تھا۔

مزید پڑھیں: سعودی عرب سمیت 7 عرب ممالک کے قطر سے سفارتی تعلقات منقطع

گزشتہ ماہ مشیرخارجہ سرتاج عزیز نے کہا تھا کہ پاکستان قطر سعودی تنازعے میں غیر جانبداری کی پالیسی پر کاربند ہے اور دونوں ممالک سے خوشگوار تعلقات کا خواہاں ہے۔

یہاں یہ بھی یاد رہے کہ رواں ماہ قطری شہزادے نے پاکستان اور سفارتخانے آنے سے انکار کردیا تھا اور وزیر اعظم نواز شریف کو بھیجے گئے خط کی تصدیق کے لیے پاناما جے آئی ٹی کو دوحہ آنے کی دعوت دی تھی۔

پاناما جے آئی ٹی نے قطری شہزادے کو اپنا بیان ریکارڈ کروانے کے لیے 19 مئی کو خط لکھ کر 25 مئی کو پیش ہونے کا حکم دیا تھا تاہم شہزادہ حماد بن جاسم نے جے آئی ٹی کے سامنے پیش ہونے سے معذرت کرلی تھی۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top