راولپنڈی : پاک فوج کے سربراہ جنرل قمر جاوید باجوہ سے قطر کے نائب وزیراعظم اور وزیرخارجہ نے ملاقات کی جس میں باہمی دلچسپی کے امور پرتبادلہ خیال کیا گیا۔
پاک فوج کے شعبہ تعلقات عامہ آئی ایس پی آر کی جانب سے جاری بیان کے مطابق آرمی چیف جنرل قمرجاوید باجوہ سے قطری نائب وزیراعظم اور وزیرخارجہ محمد بن عبدالرحمان الثانی نے ملاقات کی۔
آرمی چیف اورقطری وزیرخارجہ کے درمیان ہونے والی ملاقات میں باہمی دلچسپی کے امور پرتبادلہ خیال کیا گیا۔
پاک فوج کے سربراہ جنرل قمر جاوید باجوہ نے کہا کہ پاکستان خطے میں امن کے لیے اپنا مثبت کردار ادا کرتا رہے گا۔
H.E Mohammed bin Abdul Rahman Al Thani, Deputy Prime Minister and Minister of Foreign Affairs Qatar called on General Qamar Javed Bajwa, Chief of Army Staff.
Matters of mutual interest including regional security issues discussed. pic.twitter.com/6AUBvqYMlG— Maj Gen Asif Ghafoor (@OfficialDGISPR) October 20, 2018
آئی ایس پی آر کی جانب سے جاری بیان کے مطابق قطری وزیرخارجہ نے دہشت گردی کے خلاف پاکستان کی کامیابیوں اور خطے میں امن واستحکام کے لیے پاکستان کی کاوشوں کو سراہا۔
قطری وزیرخارجہ کی عمران خان سے ملاقات
یاد رہے کہ گزشتہ روز قطری وزیر خارجہ نے وزیراعظم عمران خان سے ملاقات کی تھی اور انتخابات میں کامیابی پر وزیراعظم کو مبارک باد پیش کی تھی۔
محمد بن عبدالرحمان الثانی نے قطری امیر کی جانب سے وزیراعظم عمران خآن کے لیے نیک خواہشات کا پیغام پہنچایا تھا۔
