The news is by your side.

Advertisement

قطر کا قدرتی گیس کے استعمال سے متعلق اہم اعلان

دوحہ : قطری کمپنی نے گیس کے ذخایر کو مچھلیوں اور جانوروں کےلیے خوراک کی تیاری میں استعمال کرنے کا منصوبہ بنالیا۔

غیر ملکی خبر رساں ادارے کی رپورٹ کے مطابق خلیجی ریاست قطر کی انڈسٹریل بائیو ٹیک انوسٹر گلف بائیو ٹیک اور یونی بائیو نے دیرپا آگنگ پروٹین کی تیاری کےلیے معاہدہ طے کرلیا، جسے مچھلیوں اور جانوروں کی خوراک کےلیے استعمال کیا جائے گا۔

میڈیا رپورٹس میں بتایا گیا ہے کہ گلف بائیوٹیک نے ایک پلانٹ کا لائسنس حاصل کرنے کےلیے معاہدہ کیا ہے جس کے تحت چار مشینیں لگائی جائیں گی جو سالانہ چھ ہزار ٹن یونی پروٹین تیار کریں گی۔

کمپنی کا کہنا ہے کہ اس ٹیکنالوجی میں مزید ماڈیولز شامل کرکے پیداوار کو بڑھایا جاسکتا ہے۔

غیر ملکی میڈیا کا کہنا ہے کہ پروٹین کو خوراک میں سپلیمنٹ کے طور پر شامل کیا جائے گا، اور یہ خوراک مچھلیوں کی موجودہ خوراک اور سویا بین کی جگہ لے گی۔

غیر ملکی میڈیا کے مطابق یہ منصوبہ خطے میں اپنی نوعیت کا پہلا منصوبہ ہے، جس کے تحت قدرتی گیس کو لوپ ٹیکنالوجی کے ذریعے یونی پروٹین میں تبدیل کیا جاتا ہے.

Comments

یہ بھی پڑھیں