سعودی عرب کے شہر قطیف میں دھماکا، ایک فوجی ہلاک، دو زخمی Qatif blast
The news is by your side.

Advertisement

سعودی عرب کے شہر قطیف میں دھماکا، ایک فوجی جاں‌ بحق، دو زخمی

ریاض: سعودی عرب کے شہر قطیف میں بم دھماکا ہوا ہے جس میں ایک فوجی اہلکار جاں بحق اور دو زخمی ہوگئے۔

عرب میڈیا کے مطابق دھماکا اتوار کی رات ایک فوجی گاڑی پر ہوا ، نامعلوم شرپسندوں نے انہیں قصدا نشانہ بنایا۔

عرب وزارتِ داخلہ کے مطابق یہ ایک دہشت گرد حملہ تھا، دھماکا قطیف کے علاقے العوامیہ میں ہوا جس میں فوجیوں کی ایک گشت کرتی ہوئی گاڑی کو بارودی سرنگ کے ذریعے نشانہ بنایا گیا۔

سعودی عرب کے اس خطے میں اہل تشیع افراد کی آبادی زیادہ ہے، یہاں پہلے بھی کئی بار دھماکے ہوچکے ہیں۔

العربیہ ڈاٹ نیٹ کے مطابق حملے میں جاں بحق ہونے والے فوجی کی شناخت طارق العلاقی کے نام سے ہوئی ہے، حکام نے باضابطہ طور پر اس کا نام جاری کردیا ہے۔


یہ پڑھیں: سعودی عرب کے شہر قطیف میں‌ کار بم دھماکا، دو ہلاک


یکم جون کو بھی قطیف میں ایک کار بم دھماکا ہوا تھا جس کے نتیجے میں دو افراد ہلاک ہوگئے تھے

گزشتہ برس بھی مدینہ منورہ اور قطیف میں حملے ہوئے تھے جن میں چار افراد شہید ہوگئے تھے۔

یہ بھی پڑھیں: مدینہ منورہ اور قطیف میں خود کش حملے، 4 افراد شہید

Comments

comments

یہ بھی پڑھیں