ایاز صادق سمیت قومی اسمبلی کے چار اراکین نے حلف اٹھا لیا -
The news is by your side.

Advertisement

ایاز صادق سمیت قومی اسمبلی کے چار اراکین نے حلف اٹھا لیا

اسلام آیاد : سردار ایاز صادق سمیت تین نو منتخب ارکان قومی اسمبلی نے حلف اٹھالیا، استعفوں کی واپسی کے بعد ایم کیو ایم ارکان اسمبلی بھی ایوان میں آگئے۔

تفصیلات کے مطابق قائم مقام اسپیکر مرتضیٰ جاوید عباسی کی زیر صدارت قومی اسمبلی کا اجلاس آج منعقد ہوا جس میں ضمنی انتخابات میں کامیاب تین نو منتخب ارکان قومی اسمبلی نے حلف اٹھایا،چاروں اراکین نے اردو زبان میں حلف لیا۔

حلف اٹھانے والوں میں سردار ایاز صادق، ریاض الحق جج، ڈاکٹر شازیہ سومرو اور بابر نواز شامل ہیں۔ اس موقع پر اسمبلی میں موجود تمام اراکین نے ان کو مبارکباد پیش کی۔

قومی اسمبلی کے اسپیکر کا انتخاب پیر کو ہوگا۔ جس کیلئے سردار ایاز صادق مظبوط امیدوار ہیں، جبکہ پی ٹی آئی کی جانب سے اسپیکر شپ کیلئے شفقت محمودکونامزدکردیا گیا ہے۔

دوسری جانب قومی اسمبلی میں اپوزیشن لیڈر سید خورشید شاہ نے کہا ہے کہ اسپیکر قومی اسمبلی کیلئے صرف ایاز صادق کی حمایت کریں گے، ن لیگ کا کوئی اور امیدوار قابل قبول نہیں،

 

Comments

comments

یہ بھی پڑھیں