اسلام آباد :فاٹا سے قومی اسمبلی کے رکن شہاب الدین احتجاجاً مستعفی ہوگئے۔
تفصیلات کے مطابق فاٹا سے منتخب ہونے والے رکن قومی اسمبلی شہاب الدین نے اسمبلی کی رکنیت سے احتجاجاً استعفیٰ دے دیاہے۔
انہوں نے کہا کہ ایسی اسمبلی میں بیٹھنے کا کوئی فائدہ نہیں جومسائل کاحل نہ نکال سکے، ان کا کہنا تھا کہ وزیر اعظم کے دورہ باجوڑمیں مجھے نظراندازکیا گیا زلزلہ زدگان مصیبت کا شکارہیں۔
وفاق نے باجوڑ میں زلزلہ متاثرین کیلئے کوئی امداد نہیں کی گئی، باجوڑ میں امدادی سامان نوابوں اور عمائدین میں تقسیم کیا جا رہا ہے اورحکومت ان کے مشکلات پر کوئی توجہ نہیں دے رہی۔
انہوں نے استعفیٰ کی تصدیق کرتے ہوئے کہا کہ حکومت کیخلاف احتجاج کرتا رہوں گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں