اسلام آباد: صحافیوں کو ہراساں کرنے سے متعلق جسٹس فائز عیسیٰ کا ازخود نوٹس خارج کر دیا گیا۔
تفصیلات کے مطابق صحافیوں کو ہراساں کرنے کے خلاف جسٹس فائز عیسیٰ کے از خود نوٹس لینے کے معاملے میں سپریم کورٹ نے از خود نوٹس طریقہ کار کیس کا فیصلہ سنا دیا۔
سپریم کورٹ نے جسٹس قاضی فائز عیسیٰ کی جانب سے لیا گیا ازخود نوٹس واپس لے لیا، سپریم کورٹ نے فیصلے میں کہا کہ کسی بینچ کو ازخود نوٹس لینے کا اختیار نہیں ہے، بینچ چیف جسٹس سے نوٹس لینے کی سفارش کر سکتا ہے۔
سپریم کورٹ نے حکم دیا کہ پریس ایسوسی ایشن کی درخواست چیف جسٹس کے سامنے رکھی جائے، سوموٹو کا اختیار صرف چیف جسٹس استعمال کر سکتے ہیں، صحافیوں کی درخواست کا کیا کرنا ہے، اس کا فیصلہ چیف جسٹس کریں گے۔
فیصلے کے مطابق سپریم کورٹ نے ازخود نوٹس لینے کے اصول بھی وضع کر دیے، بینچز کی جانب سے تمام نوٹسز پر سماعت معمول کے مطابق ہوگی، بینچز کے نوٹسز پر سماعت چیف جسٹس کے تشکیل کردہ بینچ کریں گے۔
سپریم کورٹ نے کہا کہ کوئی بینچ ازخود کسی کو طلب کر سکتا ہے نہ رپورٹ منگوا سکتا ہے، ازخود نوٹس کے اختیار کے لیے چیف جسٹس کی منظوری لازمی ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں