تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

قائد اعظم محمد علی جناح کا یوم پیدائش : صدر اور وزیراعظم کا پیغام

اسلام آباد : قائد اعظم محمد علی جناح کے یوم ولادت پر صدر مملکت ڈاکٹرعارف علوی اور وزیراعظم عمران خان کا کہنا ہے کہ قائد اعظم20ویں صدی کےعظیم قائدین میں شامل ہیں، ان کے بتائے ہوئے اصولوں پر عمل کی ضرورت ہے۔

صدرعارف علوی نے اپنے پیغام میں کہا کہ آج کا دن پاکستان کی تاریخ میں خاص دن کے طور پر منایا جاتا ہے کیونکہ آج کے دن ایک عظیم رہنما کی پیدائش ہوئی، عظیم رہنما نے براعظم کا جغرافیہ بدلا اور ہمیں پاکستان عطا کیا۔

انہوں نے کہا کہ قائداعظم نے برصغیرکے مسلمانوں کی الگ شناخت اور سیاسی سمت کا تصور دیا، پاکستان قائداعظم کے تصور کے مطابق ترقی کی راہ پر گامزن ہے، عظیم رہنما قائداعظم محمد علی جناح کو خراج عقیدت پیش کرتے ہیں، ہمیں متحد ہوکر قائداعظم کی تعلیمات پر قائم رہنے کےعزم کا اعادہ کرنا ہے۔

علاوہ ازیں وزیراعظم عمران خان نے اپنے پیغام میں بابائے قوم قائداعظم محمد علی جناحؒ کے رہنما اصولوں پر عملدرآمد کے عزم کا اعادہ کرتے ہوئے کہا کہ قائد اعظم20ویں صدی کےعظیم قائدین میں شامل ہیں، ہم اتحاد، ایمان اور تنظیم کو اپنا کر نئے پاکستان کی منزل کو حاصل کر سکتے ہیں۔

ان کا کہنا تھا کہ آج کےدن ہمیں مقبوضہ کشمیرمیں بھارتی حکومت کےہاتھوں انسانی حقوق کی سنگین خلاف ورزیوں کےشکارمظلوم عوام کو نہیں بھولناچاہئے،قائداعظم محمدعلی جناحؒ نےکشمیر کوپاکستان کی شہ رگ قرار دیا تھا اورہم کشمیری بھائیوں کے شانہ بشانہ کھڑے ہیں۔

وزیراعظم عمران خان نے کہا کہ قائداعظم کی جانب سے فیصلہ کن جدوجہد آزادی کی سربراہیان کی سیاسی بصارت اور غیر معمولی ذہانت کی مظہر ہے اسی طرح وہ اپنی آخری سانس تک مثالی جمہوریت اور قانون کی حکمرانی کیلئے پرعزم رہے۔

Comments

- Advertisement -