قائد اعظم محمد علی جناح کا یوم وفات، گورنر، وزیراعلی کی مزار پر حاضری -
The news is by your side.

Advertisement

قائد اعظم محمد علی جناح کا یوم وفات، گورنر، وزیراعلی کی مزار پر حاضری

کراچی : قائد اعظم محمد علی جناح کے 67 ویں یوم وفات کے موقع پر گورنر، وزیرِاعلی سندھ اور تینوں مسلح افواج کے نمائندوں نے مزار پر حاضری دی اور انہیں خراج تحسین پیش کیا ۔

بابائے قوم محمد علی جناح کا 67واں یوم وفات آج عقیدت و احترام سے منایا جارہا ہے، بانی پاکستان کے یوم وفات کے موقع پر پورے فوجی اعزاز کے ساتھ ان کی قبر پر سلامی پیش کی گئی۔

مزار قائد پر گورنر سندھ ڈاکٹر عشرت العباد ،وزیر اعلیٰ سندھ سید قائم علی شاہ اور صوبائی وزراء نے مزار قائد پر حاضری دی پھول چڑھائے اور فاتحہ خوانی کی انھوں نے تاثراتی کتاب میں تاثرات بھی قلمبند کئے وہ میڈیا سے گفتگو کئے بغیر ہی روانہ ہوگئے۔

دوسری جانب تینوں مسلح افواج کے نمائندوں اور ڈپٹی ڈی جی رینجرز سندھ محمد اظہر خان نے بھی بابائے قوم کو ان کے یومِ وفات پر خراج تحسین پیش کیا، ایڈمنسٹریٹر کراچی سجاد عباسی کی مزار قائد پر حاضری، پھول چڑھائے اور فاتحہ خوانی کی اس موقع پر سیکیورٹی کے سخت انتظامات بھی کئے گئے تھے۔

Comments

comments

یہ بھی پڑھیں