The news is by your side.

Advertisement

ہیری میگھن انٹرویو : ملکہ الزبتھ نے اہم حکم جاری کردیا

لندن : برطانوی شہزادے ہیری اور میگھن مارکل کے انکشافات سے بھرپور انٹرویو کے بعد ملکہ الزبتھ نے حکمت عملی کے تحت شاہی محل کے عملے کو ضروری احکامات جاری کردیئے۔

برطانوی شاہی خاندان کے چھوٹے شہزادے ہیری اور ان کی اہلیہ میگھن مارکل کے حال ہی میں امریکی ٹی وی کو دیئے گئے انٹرویو نے پوری دنیا خصوصاً یورپ میں کھلبلی مچادی ہے۔

جس کے جواب میں ملکہ الزبتھ دوم کی جانب سے بکنگھم پیلس کے عملے کے لیے ایک تحریری نوٹس جاری کرتے ہوئے محل کے عملے کو خاموش رہنے کا حکم دیا گیا ہے۔

برطانوی اخبار دی سن کے مطابق ملکہ الزبتھ نے بہت ذمہ داری سے ساری صورتحال کو سنبھالتے ہوئے اپنے عملے کو ہیری اور میگھن کے انٹرویو سے متعلق کسی بھی قسم کا رد عمل دینے سے گریز کرنے کا حکم دیا ہے۔

برطانوی اخبار کی اطلاعات کے مطابق اس بات کو نظر انداز نہیں کیا جاسکتا کہ جو کچھ ہوا اس سے سب ہی پریشان ہیں، عوام جاننا چاہتے ہیں کہ حقیقت کیا ہے اور محل کے عملے کے کچھ لوگ اپنے بارے میں کہی گئی کچھ باتوں کی عوام کے سامنے تردید بھی کرنا چاہتے ہیں۔

مزید پڑھیں : دنیا بھر میں ہیری اور میگھن مارکل کے انٹرویو کا چرچہ

غیر ملکی میڈیا کے مطابق ملکہ موقع کی مناسبت سے بہت احتیاط سے اقدامات کر رہی ہیں کیونکہ یہ مسئلہ ان کے خاندان کا ہے اور وہ اس وقت وہ بہتر انداز میں شاہی خاندان کی رہنمائی کررہی ہیں۔

Comments

یہ بھی پڑھیں