توانائی کی بچت اور ماحول دوست ایل ای ڈی ٹیکنالوجی ایجاد کرنے والے سائنسدانوں کو ملکہ الزبتھ ایوارڈ کے لیے نامزد کر دیا گیا۔
لائٹ ایمیٹنگ ڈائیوڈ یعنی ایل ای ڈی کی ابتدائی ٹیکنالوجی تیار کرنے والے 5 سائنسدانوں کا انتخاب کیا گیا ہے جو کہ رواں سال کے ملکہ الزبتھ ایوارڈ برائے انجینئرنگ کے لیے شارٹ لسٹ ہوئے ہیں۔
ان سائنسدانوں کا اعلان آن لائن کیا گیا ہے۔ منتخب سائنسدانوں میں 3 امریکی بھی شامل ہیں۔ملکہ الزبتھ ایواڈ دو سال میں ایک بار دیا جاتا ہے۔
جیوری ممبران نے ان سائنسدانوں کی کاوشوں کو سراہتے ہوئے ایل ای ڈی کی ایجان کو توانائی کے شعبے میں انقلاب قرار دیا ہے۔
ان کا کہنا ہے کہ ایل ای ڈی کی ایجان سے نہ صرف توانائی کی بچت ہوئی بلکہ یہ ماحول دوست انقلاب لانے میں بھی مددگار ثابت ہوئی۔
ججوں نے کہا کہ ایل ای ڈی کا کاربن ڈائی آکسائیڈ کے اخراج میں کمی میں اہم کردار ہے جو کہ ماحول کے لیے سازگار ہے۔