The news is by your side.

ملکہ برطانیہ کا خفیہ خط کس کے نام : 63 سال بعد کھولا جائے گا

حال ہی میں دنیا کو خیر باد کہنے والی برطانوی ملکہ الزبتھ دوم کے حوالے سے ایک دلچسپ معاملہ کی طرف توجہ مبذول کرائی گئی ہے کہ ملکہ کا ایک خفیہ پیغام ہے جسے 63 برس بعد منظر عام پر جائے گا۔

اس حوالے سے غیر ملکی خبر رساں ادارے کی جانب سے جاری ایک رپورٹ میں کہا گیا ہے کہ ملکہ نے یہ پیغام آسٹریلوی شہر سڈنی کے شہریوں کے نام لکھا تھا، یہ خط شہر کی ایک مشہور عبارت میں چھپا کر رکھا گیا ہے۔

یہ سڈنی کے بزنس ڈسٹرکٹ میں ملکہ وکٹوریہ بلڈنگ ہے۔ برطانوی اخبار ’’ ڈیلی میل‘‘کے مطابق اس خط کو نہ کھولنے کی سخت ہدایات جاری کی گئی تھیں۔

ملکہ نے یہ خط نومبر 1986 میں اس عمارت کی تزئین وآرائش کے بعد لکھا تھا، ملکہ کے عملے کو بھی معلوم نہیں کہ اس خط میں کیا لکھا ہے۔ یہ خط شیشے کے ایک کیس میں رکھا گیا ہے، اس کیس سے صرف ملکہ کی ہدایات نظر آتی ہیں۔

ملکہ کی جانب سے ان ہدایات میں لکھا گیا ہے کہ یہ خط آسٹریلوی شہر سڈنی کے میئر کیلئے ہے۔ براہ کرم اسے 2085 میں اپنے انتخابات کے مناسب کسی دن کھولیے گا اور سڈنی کے شہریوں کو میرا پیغام پہنچائیے گا۔

واضح رہے کہ ملکہ 8 ستمبر کو 96 برس کی عمر میں رحلت کر گئیں اور ان آخری رسومات 19 ستمبر کو لندن میں ادا کی جائے گی۔

Comments

یہ بھی پڑھیں