The news is by your side.

Advertisement

نیدرلینڈز کی ملکہ میکسما کی وزیرخارجہ شاہ محمود قریشی سے ملاقات

اسلام آباد : نیدرلینڈزکی ملکہ میکسما نے وزیر خارجہ شاہ محمود قریشی سے ملاقات میں پرتپاک خیر مقدم پر وزیر خارجہ کا شکریہ ادا کرتے ہوئے پاکستان میں دیرپا اقتصادی ترقی کیلئے تعاون کی یقین دہانی کرادی۔

تفصیلات کے مطابق نیدرلینڈزکی ملکہ میکسما وزارت خارجہ پہنچی ، جہاں وزیرخارجہ شاہ محمود قریشی نے ان کا خیرمقدم کیا، نیدرلینڈزکی ملکہ نے وزیر خارجہ شاہ محمود قریشی سے ملاقات کی ، ملاقات میں پاکستان کی اقتصادی بحالی، سماجی اور معاشی ترقی پرتبادلہ خیال کیا گیا۔

وزیرخارجہ شاہ محمود قریشی نے کہا آج دنیا میں پاکستان کی شناخت پرامن ملک کے طور پر ہو رہی ہے ، برطانوی جوڑے، نیدرلینڈ ملکہ کا دورہ مثبت تشخص کا اظہار ہے، پاکستان، نیدرلینڈز سے دوطرفہ تعلقات کو قدر کی نگاہ سے دیکھتا ہے، بہت سی ڈچ کمپنیز کامیابی کیساتھ کاروبار کررہی ہیں۔

فریقین نے قابل تجدید توانائی، زراعت ،ہارٹی کلچر میں تعاون کے فروغ پر اتفاق کیا ، جس پر شاہ محمود قریشی کا کہنا تھا کہ اقتصادی ثقافتی سفارتکاری کو بروئے کار لاکر دنیا کوتوجہ دلا رہے ہیں ، حکومت سرمایہ کاری،سیاحت کے فروغ کیلئے اقدامات کر رہی ہے۔

مزید پڑھیں : ہالینڈ کی ملکہ 3 روزہ دورے پر پاکستان پہنچ گئیں

وزیرخارجہ نے اسلاموفوبیا اور مذہبی منافرت کے حالیہ واقعات پر شدید تحفظات کا اظہار کرتے ہوئے کہا ایسے واقعات سے دنیا بھر میں مسلمانوں کی دل آزاری ہوئی۔

نیدرلینڈزکی ملکہ میکسما نے پرتپاک خیر مقدم پر وزیر خارجہ کا شکریہ ادا کرتے ہوئے پاکستان میں دیرپا اقتصادی ترقی کے لئے تعاون کی یقین دہانی کرائی۔

یاد رہے آج صبح نیدرلینڈ کی ملکہ میکسیما تین روزہ دورے پر پاکستان پہنچیں تو وزارت خارجہ اور نیدرلینڈ کے سفارتخانے کے حکام نے ملکہ کا استقبال کیا۔

ملکہ میکسما اقوام متحدہ کے سیکریٹری جنرل کے خصوصی نمائندے کے طور پر پاکستان کا دورہ کررہی ہیں، دورے کے دوران وہ صدر عارف علوی اور وزیر اعظم عمران خان سے ملاقاتوں کے علاوہ سرکاری اور نجی شعبے کے شراکت داروں سے بھی ملاقاتیں کریں گی جبکہ ملکہ میکسما مائیکرو پیمنٹ گیٹ وے اسٹیٹ بینک کی افتتاحی تقریب میں بھی شرکت کریں گی۔

fb-share-icon0
Tweet 20

Comments

comments

یہ بھی پڑھیں