The news is by your side.

Advertisement

کوئٹہ عالمو چوک پر دھماکا، 4 افراد جاں بحق

کوئٹہ : عالمو چوک کے قریب دھماکے میں چار افراد جاں بحق ہوگئے،28 زخمیوں کو طبی امداد کے لیے اسپتال منتقل کردیا گیا۔

پولیس کے مطابق شہر کے نواحی علاقے ائیرپورٹ روڈ عالمو چوک پر واقع سبزی کی دکان پر دھماکا ہوا جس کے نتیجے میں تین افراد جاں بحق اور 28 زخمی ہوگئے۔ جائے وقوعہ سے امدادی اداروں نے زخمیوں کو سول اسپتال منتقل کیا۔

زور دار دھماکے کی آواز شہر کے دور دراز علاقوں میں سنی گئی جس کے نیتجے میں تین دکانیں دو رکشا اور گاڑیاں مکمل طور پر تباہ ہوگئیں.

قانون نافذ کرنے والے اداروں کی بھاری نفری نے جائے وقوعہ پہنچ کر علاقے کو گھیرے میں لے لیا اور دھماکے کے مقام سے شواہد اکٹھے کرنے کا کام مکمل کرلیا

بم ڈسپوزل اسکواڈ کی ابتدائی رپورٹ کے مطابق دھماکے میں 5 سے 6 کلو بارود موٹرسائیکل میں نصب گیا تھا تباہ شدہ موٹرسائکل کو قبضے میں لے کر تحقیقات کی شروع کردی گئی۔

واضح رہے کہ عالمو چوک کوئٹہ کے نواحی علاقوں میں گنجان آباد علاقوں میں شمار ہوتاہے۔

Print Friendly, PDF & Email

Comments

comments

یہ بھی پڑھیں