site
stats
بلوچستان

کوئٹہ دکان پر فائرنگ 1 شخص جاں بحق 3 زخمی

کوئٹہ : مسجد روڈ کے علاقے میں نامعلوم افراد کی دکان پر شدید فائرنگ، ایک شخص جاں بحق 3 افراد زخمی اسپتال منتقل کردیا۔

پولیس کے مطابق نامعلوم مسلح افراد نے دکان کے قریب بیٹھے افراد پر اندھا دھند فائرنگ کردی جسکے نتیجے میں 4 افراد زخمی ہوگئے زخمیوں کو طبی امداد کے لیے قریبی اسپتال منتقل کیا گیا جہاں ایک شخص زخموں کاتاب نہ لاتے ہوئے جاں بحق ہوگیا۔

پولیس حکام نے مزید بتایا کہ مسلح افراد دکان پر فائرنگ کرنے کے بعد باآسانی فرار ہوگئے تاہم سیکورٹی فورسز کی بھاری نفری نے جائے وقوعہ پہنچ کر علاقے کو گھیرے میں لے لیا اور ملزمان کی تلاش شروع کردی ہے۔

اسپتال انتظامیہ نے اس بات کی تصدیق کی ہے کہ جاں بحق ہونے والے شخص کی شناخت نور احمد کے نام سے ہوئی ہے جبکہ زخمی ہونے والے تینوں افراد کی حالت تشیویشناک ہے۔

مزید پڑھیں :  بلوچستان سے 6 خطرناک دہشت گرد گرفتار، کوئٹہ دھماکوں کا اعتراف

وزیر اعلیٰ بلوچستان ثناء اللہ زہری نے کوئٹہ واقعے کی شدید الفاظ میں مذمت کرتے ہوئے زخمیوں کو تمام سہولیات فراہم کرنے کی ہدایت کی ہے جبکہ پولیس حکام کو دہشت گردوں کو ہر صورت گرفتار کرنے کے احکامات جاری کیے ہیں۔

واضح رہے گزشتہ روز وزیرداخلہ بلوچستان نے گرفتار کیے گئے دہشت گردوں کو میڈیا کے سامنے پیش کرتے ہوئے اُن کے اعترافی بیان کو سامنے رکھا تھا، سرفراز بگٹی نے مزید کہا کہ ’’دہشت گردوں کا تعلق کالعدم تنظیم سے ہے اور انہیں بھارتی خفیہ ایجنسی را کی جانب سے کوئٹہ میں دہشت گردی کے لیے رقم مہیا کی گئی تھی، گرفتار ملزمان نے کوئٹہ میں ہونے والے حالیہ دھماکوں کا بھی اعتراف کیا تھا‘‘۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top