The news is by your side.

Advertisement

کوئٹہ: 4 دہشت گرد اور ایک شہری ہلاک، 5 ملزمان گرفتار، 5 افراد زخمی

کوئٹہ: شہر کے علاقے نصیر آباد میں سیکیورٹی فورسز کے آپریشن میں 4 دہشت گرد ہلاک ہوگئے جبکہ 9 ٹھکانے مسمار کرتے ہوئے 5 ملزموں کو گرفتار کرلیا گیا۔

اے آر وائی نیوز کے نمائندے مصطفیٰ خان ترین نے بتایا کہ نصیر آباد کے علاقے اوچ میں ایف سی اور حساس ادارے نے سرچ آپریشن کیا جو کہ تاحال جاری ہے، سیکیورٹی ذرائع نے ہمیں بتایا کہ آپریشن کے دوران دو طرفہ فائرنگ کا تبادلہ ہوا جس میں 4 دہشت گرد ہلاک ہوگئے۔

سیکیورٹی ذرائع کے مطابق آپریشن میں دہشت گردوں کے 9 ٹھکانے مسمار کرکے 5 دہشت گردوں کو گرفتار بھی کیا گیا ہے۔

رپورٹر کے مطابق آپریشن تاحال جاری ہے، آپریشن کے اختتام پر حتمی اور نتیجہ خیز اطلاعات سامنے آئیں گی۔

دریں اثنا کوئٹہ میں اسپینی روڈ پر ایک گاڑی پر فائرنگ کے نیتجے میں ایک شخص جاں بحق اور 5 زخمی ہوگئے جس میں سے دو  افراد کی حالت تشویش ناک ہے۔

نمائندہ کوئٹہ مصطفیٰ خان ترین نے بتایا کہ ہزارہ ٹاؤن سے شہر جانے والی شاہراہ پر یہ واقعہ پیش آیا، زخمیوں اور لاش کو فوری طور پر اسپتال منتقل کیا گیا۔

انہوں نے بتایا کہ اس علاقے میں ایسے واقعات تسلسل سے پیش آرہے ہیں۔

Print Friendly, PDF & Email

Comments

comments

یہ بھی پڑھیں