The news is by your side.

Advertisement

بے نظیر قتل کیس: پرویز مشرف کے 2 منجمد اکاؤنٹس سے رقم نکلوانے کا انکشاف

کراچی: سابق وزیرِ اعظم بے نظیر بھٹو قتل کیس میں سابق صدر پرویز مشرف کے 2 منجمد اکاؤنٹس سے رقم نکلوائے جانے کا انکشاف ہوا ہے۔

تفصیلات کے مطابق بے نظیر بھٹو قتل کیس میں اشتہاری قرار دیے جانے کے بعد سابق صدر جنرل (ر) پرویز مشرف کے اکاؤنٹس منجمد کر دیے گئے تھے، تاہم ان کے دو منجمد اکاؤنٹس سے ٹرانزیکشن کا انکشاف ہوا ہے۔

رقم کس نے اور کیسے نکلوائی؟ انسدادِ دہشت گردی عدالت نے جواب طلب کر لیا۔

رقم کس نے اور کیسے نکلوائی؟ انسدادِ دہشت گردی عدالت نے جواب طلب کر لیا، عدالت نے ایس ایچ او تھانہ ایف آئی اے کو نوٹس بھی جاری کر دیا۔

اینٹی ٹیررازم کورٹ نے 15 فروری تک رپورٹ کے ساتھ ساتھ ملزم پرویز مشرف کی دیگر پراپرٹیز کی فہرست بھی طلب کر لی۔

یاد رہے کہ 31 اگست 2017 کو انسدادِ دہشت گردی کی عدالت نے سابق وزیر اعظم بے نظیر بھٹو قتل کیس کا فیصلہ 9 سال 8 ماہ بعد سناتے ہوئے سابق صدر پرویز مشرف کو اشتہاری قرار دیتے ہوئے ان کی تمام منقولہ و غیر منقولہ جائیداد ضبط کرنے کا حکم دیا تھا۔

یہ بھی پڑھیں:  سابق صدر پرویز مشرف جان لیوا مرض میں مبتلا ہو گئے، میڈیکل رپورٹ

عدالتی احکامات پر نادرا کی جانب سے سابق صدر اور آل پاکستان مسلم لیگ کے سربراہ پرویز مشرف کا شناختی کارڈ بھی بلاک کیا گیا ہے جس کے باعث ان کا پاسپورٹ بھی منسوخ ہو چکا ہے۔

Comments

comments

یہ بھی پڑھیں