کوئٹہ : ڈکیتی کے دوران چھریوں کے وار سے لیڈی ڈاکٹر شدید زخمی ہوگئی -
The news is by your side.

Advertisement

کوئٹہ : ڈکیتی کے دوران چھریوں کے وار سے لیڈی ڈاکٹر شدید زخمی ہوگئی

کوئٹہ:گھر کے اندر ڈکیتی کی کوشش کے دوران چھریوں کے وار سے لیڈی ڈاکٹر شدید زخمی ہوگئی،ڈاکو لیڈی ڈاکٹر کو زخمی کرنے کے بعد کچھ چھینے بغیر فرار ہوگئے.

تفصیلات کے مطابق کوئٹہ شہر کے نواحی علاقے ارباب کرم خان روڈ پر رہائش پذیر سابق مجسٹریٹ علی نواز مگسی کے گھر رات کے آخری پہر دو ڈاکو گھر کی عقبی جانب سے دیوار پھلانگ کر آئے.

علی نواز مگسی کی صاحبزادی لیڈی ڈاکٹر فردوس مگسی نے ڈاکوؤں سے مزاحمت کی جس پر ڈاکوؤں نے چھریوں کے وار کرکے ڈاکٹر فردووس کو شدید زخمی کردیا،جنہیں تشویشناک حالت میں بولان میڈیکل کمپلیکس اسپتال منتقل کردیا گیا.

لیڈی ڈاکٹر کو زخمی کرنے کے بعد ڈاکو کچھ چھینے بغیر فرار ہوگئے،علی نواز مگسی کے مطابق ان کی صاحبزادی نے ڈاکوؤں کے خلاف مزاحمت کی ،ڈاکوؤں نے فرار ہوتے ہوئے ہوائی فائرنگ بھی کی جس سے علاقے میں خوف وہراس پھیل گیا.

Comments

comments

یہ بھی پڑھیں