The news is by your side.

Advertisement

کوئٹہ: چار افراد کی ہاتھ بندھی تشدد زدہ نعشیں برآمد

کوئٹہ :کچلاک میں پولیس کو چار افراد کی نعشیں ملی ہیں جنہیں سول ہسپتال منتقل کردیا گیاہے۔

 پولیس حکام کے مطابق نیو کچلاک پولیس تھانے کے عملے کو اطلاع ملی کی کچلاک میں سملی پھاٹک کے قریب میدانی علاقے میں چار افراد کی ہاتھ بندھی نعشیں پڑی ہیں جس پر پولیس اہلکار وں نے موقع پر پہنچ کر چاروں نعشوں کو قبضے میں لیکر سول ہسپتال کوئٹہ منتقل کردیا۔

ڈاکٹروں کے مطابق چاروں کو گولیاں مار کر قتل کیا گیا ،تاہم کئی گھنٹے گزرنے کے باوجود چاروں افراد کی شناخت نہ ہوسکی ،پولیس نے معاملے کی تفتیش شروع کردی۔

علاوہ ازیں بلوچستان کی کوئلہ کانوں میں دو مختلف حادثات میں چار کانکن جاں بحق ہوگئے، پہلا واقعہ کوئٹہ کے نواحی علاقے سورینج میں پیش آیا جہاں پی ایم ڈی سی کی کان میں مٹی کا تودہ گرنے سے کان میں کام کرنے والے تین کانکن موقع پر جاں بحق ہوگئے۔

چیف انسپکٹر مائنز بلوچستان افتخار احمد کے مطابق تینوں کانکنوں کی نعشیں نکال لی گئی ہیں تینوں کا تعلق سوات سے بتایا گیا ہے ۔

ضلع لورالائی کے علاقے دکی میں بھی کوئلے کی ایک کان میں کام کرنے والا مزدور مٹی کا تودہ گرنے سے جاں بحق ہوگیا جو افغانستان کا رہائشی بتایا گیا ہے ۔

چاروں کان کنوں کی نعشیں ورثاء کے حوالے کرنے کے لئے کوئٹہ منتقل کردی گئیں.

Comments

comments

یہ بھی پڑھیں