murder کوئٹہ: چار سالہ بچی سے زیادتی اور قتل کے مجرم کو سزائے موت
The news is by your side.

Advertisement

کوئٹہ: سات سالہ بچی سے زیادتی اور قتل کے مجرم کو سزائے موت

کوئٹہ : سات سال کی بچی سے زیادتی اور قتل کے مجرم کو موت کی سزا سنادی گئی، چار سال قید اور دو لاکھ روپے کا جرمانہ بھی ادا کرنا پڑے گا ۔

اے آر وائی نیوز کے نمائندے عبداللہ مگسی کی رپورٹ کے مطابق چار سال قبل کوئٹہ کی رہائشی سات سالہ کمسن سحر بتول کو درندہ صفت ملزم جنید شہزاد نے نہ صرف زیادتی کا نشانہ بنایا تھا بلکہ زیادتی کے بعد معصوم بچی کو قتل بھی کر دیا تھا ۔

عدالت میں چار سال تک کیس چلتا رہا، آج انسداد دہشت گردی کی عدالت ٹو نے ملزم جنید شہزاد کو سحر بتول کے قتل میں سزا موت اور زیادتی کا نشانہ بنانے کا جرم ثابت ہونے  پر چار سال قید اور دو لاکھ روپے کا جرمانے کی سزا سنادی ہے۔

سحر بتول کے قاتل کو سزا سنائے جانے کے بعد مقتولہ بچی کے والدین اور اہل خانہ نے اطمینان کا اظہار کیا، سحر بتول والدہ کا کہنا تھا کہ بیٹی تو چلی گئی لیکن انصاف مل گیا ،دوسری جانب سیاسی جماعتوں اور سماجی تنظیموں نے سحر بتول کیس میں مجرم کو سزا موت سنائے جانے کو انصاف کی فتح قرار دیا ہے۔

مزید پڑھیں : زینب کے قاتل عمران کو 4 بارسزائےموت کا حکم

یاد رہے کہ لاہور انسداد دہشت گردی کی خصوصی عدالت نے زینب قتل کیس میں درندہ صفت قاتل عمران کو بھی چار بارسزائے موت کا حکم سنایا تھاجبکہ مجرم کو ایک بارعمر قید ، 32 لاکھ جرمانے کی بھی سزا سنائی تھی۔
عدالت نے عمران کو اغوا اورزیادتی کا جرم ثابت ہونے پر2 بارپھانسی سنائی جبکہ مجرم کو بدفعلی پرعمرقید اورلاش مسخ کرنے پر7سال قید سنائی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں