The news is by your side.

Advertisement

کوئٹہ حملے میں شہید20اہلکاروں کی میتیں تربت پہنچادیں گئیں

کوئٹہ: پولیس ٹریننگ سینڑ پر حملے میں شہید 20پولیس اہلکاروں کی میتیں تربت پہنچادیں گئیں آج شہید اہلکاروں کو سپردخاک کیاجائےگا۔

تفصیلات کےمطابق پولیس سینٹر پرحملے کے خلاف صوبہ بلوچستان میں سوگ کی فضا ہے جبکہ کوئٹہ میں کاروباری مراکز بنداور پاکستان بارکونسل کی جانب سے عدالتی کارروائی کابائیکاٹ کیاگیاہے۔

سانحہ کوئٹہ میں پاک فوج کے کیپٹن روح اللہ اور پاک فوج کے جوان محمد سجاد سمیت 62پولیس اہلکار شہید ہوئے تھے جن میں سے بیشترکاتعلق بلوچستان کے دوردراز علاقوں سے تھا۔

سانحہ کوئٹہ کی تحقیقات کے لیے کمیٹی تشکیل

کوئٹہ پولیس ٹریننگ سینٹر پرحملے کی تحقیقات کے لیےایس ایس پی انوسٹی گیشن اعتزاز گورایہ کی سربراہی میں ٹیم تشکیل دے دی گئی ہے۔

پولیس ٹریننگ حملے کی تحقیقات میں پنجاب فارنزک ایجنسی کی خدما ت بھی حاصل کی جارہی ہیں تفتیشی ٹیم نےموقع سے شواہد جمع کرنےکاعمل شروع کردیاہے۔

ابتدائی تفتیش میں اس بات کا انکشاف ہواکہ دہشت گروں نے سی فور نامی بارودی مواد استعمال کیا اور حملے میں دہشت گردوں کی جانب سے غیرملکی اسلحہ استعمال کیا گیا۔

مزید پڑھیں: کوئٹہ پولیس ٹریننگ سینٹر پر حملہ،62 اہلکار شہید، 118 زخمی

واضح رہے کہ واضح رہے کہ گزشتہ روز راتے گئے کوئٹہ میں پولیس ٹریننگ سینٹر پرتین دہشت گردوں کے حملےمیں 62اہلکار شہید ہوئے تھے اور سیکورٹی فورسز کی جوابی کارروائی میں تینوں دہشت گرد مارے گئے تھے۔

Comments

comments

یہ بھی پڑھیں