site
stats
پاکستان

کوئٹہ جوائنٹ روڈ پرچیک پوسٹ پر بم حملہ، 2اہلکارزخمی

کوئٹہ/ پشاور : جوائنٹ روڈ پرصبح سویرے سیکیورٹی چیک پوسٹ پر بم حملہ سے دو اہلکار زخمی ہوگئے، جبکہ فقیرآباد میں نامعلوم افراد نے ڈی ایس پی سی ٹی ڈی جانزادہ خان کونشانہ بنادیا۔

تفصیلات کے مطابق کوئٹہ کے علاقے جوائنٹ روڈ پر دہشت گردوں نے سیکیورٹی چیک پوسٹ پر حملہ کردیا، جس کے نتیجے میں ڈیوٹی پر موجود دو اہلکار شدید زخمی ہوگئے،جنہیں اسپتال منتقل کردیا گیا۔

ایف سی کی چیک پوسٹ کے قریب نصب کئے گئے بارودی مواد کوریموٹ کنٹرول سے اڑا یا گیا، بم ڈسپوزل اسکواڈ کے مطابق دھماکے میں پانچ کلوگرام بارودی مواد استعمال کیاگیاتھا۔

علاوہ ازیں پشاور میں نامعلوم افراد نے فقیر آباد کے علاقے میں ڈی ایس پی سی ٹی ڈی جانزادہ خان پر فائرنگ کردی جس کے نتیجے میں وہ زخمی ہوگئے۔

ڈی ایس پی کو شدید زخمی حاکلت میں اسپتال منتقل کردیا گیا جہاں ان کی حالت خطرے سے باہر بتائی جا رہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top