کوئٹہ : کانگو وائرس میں مبتلا ایک اور شخص اسپتال میں داخل -
The news is by your side.

Advertisement

کوئٹہ : کانگو وائرس میں مبتلا ایک اور شخص اسپتال میں داخل

کوئٹہ : کانگو وائرس کے ایک اور مریض کو اسپتال میں داخل کیا گیا ہے، جس کے بعد بلوچستان میں رواں سال کانگو وائرس سے متاثرہ مریضوں کی تعداد ننانوے ہوگئی جبکہ اٹک میں بھی کانگو وائرس میں مبتلا تئیس سالہ نوجوان اسپتال میں دم توڑ گیا۔

تفصیلات کے مطابق مویشیوں سے منتقل ہونے والا کانگو وائرس بے قابو ہوگیا، کوئٹہ کے سرکاری اسپتال میں کانگو وائرس میں مبتلا ایک اور مریض کو داخل کرایا گیا، پشین کے رہائشی اجمل خان کو ناک اور منہ سے خون آنے کی شکایت پر اسپتال منتقل کیا گیا۔


مزید پڑھیں :  کوئٹہ میں کانگو وائرس سے ایک اور شخص زندگی کی بازی ہار گیا، تعداد 10 ہوگئی


اسپتال انتظامیہ کے مطابق گزشتہ تین روز کے دوران کانگو ورائرس سے متاثرہ تین مریض داخل کیے گئے گئے ، بلوچستان میں رواں سال کانگو وائرس سے متاثرہ مریضوں کی تعدادننانوے ہوگئی جبکہ اب تک 10 افراد کانگو وائرس سے زندگی کی بازی ہارچکے ہیں۔

کانگووائرس کےمرض کی تشخیص کوئٹہ میں ممکن نہیں جس کی وجہ سے مریضوں کا مشکلات کا سامناہے، مریض کو تشخیص کیلئے کراچی بھجوایا جاتا ہے۔


مزید پڑھیں: کانگو وائرس: علامات اور احتیاطی تدابیر


کوئٹہ کے شہریوں نے حکومت سے مطالبہ کیا ہے کہ کانگووائرس مرض کی تشخیص کوئٹہ میں سہولت فراہم کی جائے۔

واقعات کے بعد کانگو وائرس سے بچاؤ کے لئے مویشیوں کے باڑوں اور منڈیوں میں اسپرے اور ویکسینیشن مہم شروع کردی گئی ہے۔

Comments

comments

یہ بھی پڑھیں