کوئٹہ : سی ٹی ڈی اور حساس اداروں کی مشترکہ کارروائی کے دوران کالعدم تنظیم سے تعلق رکھنے والا دہشت گرد گرفتار ہوگیا۔
سیکورٹی ذرائع کے مطابق کاونٹر ٹیررزم ڈیپارٹمنٹ بلوچستان اور حساس اداروں نے شہر کے نواحی علاقے نواں کلی میں کارروائی کرتے ہوئے ایک مکان سے کالعدم تنظیم کے کارندے کو گرفتار کرلیا۔
گرفتار دہشت گرد بم دھماکوں اور ٹارگٹ کلنگ کے واقعات میں پولیس کو مطلوب تھا ،جبکہ اس کے سر کی قیمت صوبائی محکمہ داخلہ نے دس لاکھ روپے مقرر کی تھی ۔
ملزم کو مزید تفتیش کے لئے نامعلوم مقام پر منتقل کردیا گیا، قانون نافذ کرنے والے ادارے اس کارروائی کو بڑی کامیابی قرار دے رہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں