The news is by your side.

Advertisement

کوئٹہ : کسٹم عملے کی کامیاب کارروائی، منشیات اسمگلنگ کی کوشش ناکام

کوئٹہ : محکمہ کسٹمز نے بڑے پیمانے پر منشیات چرس اور افیون اسمگل کرنے کی کوشش ناکام بناتے ہوئے بھاری مقدار میں منشیات برآمد کرلی۔

اس حوالے سے ذرائع کا کہنا ہے کہ کوئٹہ کسٹمزکی موبائل ٹیم نے منشیات اسمگلروں کے خلاف بڑی کارروائی کرتے ہوئے لاکھوں مالیت کی منشیات قبضے میں لے لی۔

کسٹم حکام کا کہنا ہے کہ برآمد شدہ اشیاء میں 100 کلو گرام اعلیٰ کوالٹی چرس،5 کلو گردہ اور 5 کلو افیونن شامل ہیں جس کی قیمت ایک کروڑ پچاس لاکھ روپے بنتی ہے۔

کسٹم حکام نے بتایا کہ منشیات مزدا ٹرک میں بنی خفیہ خانوں میں چھپائی گئی تھی جبکہ منشیات کو اندرون ملک اسمگل کیا جا رہا تھا۔

مذکورہ کارروائی کلیکٹر کسٹمز پروینٹو خالد حسین جمالی کی ہدایات پرایڈیشنل کلیکٹر معین افضل اوراسسٹنٹ کلیکٹر کسٹمز شفیع اللہ نے ترتیب دی, کارروائی موبائل اسکواڈ کے عملے جو انسپیکٹر شہزاد اختر کے زیر نگرانی متحرک ہے نے کی۔

Comments

یہ بھی پڑھیں