پشاور: خیبر پختونخوا کے دارالحکومت پشاور میں نامعلوم افراد کی فائرنگ سے ایف سی کے 3 اہلکار شہید ہوگئے۔
تفصیلات کے مطابق ایف سی کی گاڑی کو پتنگ چوک کے قریب نامعلوم موٹر سائیکل سوار ملزمان نے فائرنگ کا نشانہ بنایا جس کے نتیجے میں 1 اہلکار موقع پر ہلاک جبکہ 2 زخمی ہوگئے۔
ایس ایس پی آپریشنز عباس مجید کے مطابق ایف سی کی گاڑی رنگ روڈ سے پتنگ چوک آرہی تھی جس کے دوران اس پر فائرنگ کی گئی۔
مزید پڑھیں: مہمند ایجنسی میں ایف سی چیک پوسٹ پر حملہ ناکام، 5 دہشت گرد ہلاک
زخمی اہلکاروں کو لیڈی ریڈنگ اسپتال منتقل کیا گیا جہاں دونوں اہلکار زخموں کی تاب نہ لاتے ہوئے دم توڑ گئے۔ ابتدائی تفتیش کے مطابق واردات میں نائن ایم ایم پستول کا استعمال کیا گیا ہے۔
ملزمان فائرنگ کے بعد موقع سے فرار ہوگئے۔ واقعے کے بعد پولیس نے جائے وقوع کو گھیرے میں لے کر ملزمان کی تلاش شروع کردی۔
Comments
- Advertisement -