site
stats
پاکستان

کوئٹہ:ایف سی اورحساس ادارے کی کارروائی، بڑی تعداد میں اسلحہ اور بارودی مواد برآمد

کوئٹہ : ایف سی اور حساس ادارے نے چاغی کے علاقے میں کارروائی کرکے بڑی تعداد میں اسلحہ اور گولہ بارود برآمد کر لیا ہے۔

تفصیلات کے مطابق کوئٹہ میں چاغی کے علاقے میں ایف سی اور حساس ادارے نے کارروائی کی ، کارروائی کے دوران بڑی تعداد میں اسلحہ اور گولہ بارود برآمد کر لیا ہے، برآمد ہونے والے اسلحے میں43دستی بم، 3ایل ایم جی،3 کلاشنکوف اور 1خودکش جیکٹ شامل ہیں ۔

سیکیورٹی ذرائع کے مطابق کارروائی میں راکٹ کے13 گولے،2 دیسی ساختہ، 3رائفل، راکٹ لانچر، مشین گن،5بارودی سرنگیں، گولیاں ودیگر سامان بھی برآمد ہوا۔

سیکیورٹی ذرائع کے مطابق یہ اسلحہ بھارت اور افغانستان سے پہنچایا گیا تھا۔

ملک کے مختلف شہروں میں جرائم پیشہ عناصر کے خلاف کارروائیاں

دوسری جانب ملک کےمختلف شہروں میں جرائم پیشہ عناصرکےخلاف کارروائیوں کےدوران دہشتگردوں کے دو سہولت کاروں سمیت انہتر افراد کو حراست میں لے لیا گیا۔

مردان میں پولیس نے ساڑوشاہ میں کومبنگ آپریشن کے دوران پینسٹھ افراد کو حراست میں لے کراسلحہ برآمد کرلیا، پولیس کےمطابق زیرحراست افراد میں دوسہولت کار بھی شامل ہیں۔

سی ٹی ڈی نےدیرمیں کارروائی کے دوران دستی بم اور راکٹ برآمد کرلیا جبکہ گوجرانوالہ میں سرچ آپریشن کے دوران چارمشتبہ افراد کو حراست میں لیکراسلحہ اور سینکڑوں گولیاں برآمد کرلی گئی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top