The news is by your side.

Advertisement

کوئٹہ : مختلف واقعات میں فائرنگ سے خاتون سمیت دس افراد جاں بحق

کوئٹہ : نامعلوم افراد کی فائرنگ سے کوئٹہ میں دس افراد جان کی بازی ہار گئے، شاہ زمان روڈ پر چار افراد، قمبرانی روڈ پر پانچ اور دشت روڈ پر ایک شخص کو قتل کردیا گیا۔

تفصیلات کے مطابق بلوچستان کے شہر کوئٹہ میں قیام امن زیادہ دیر قائم نہ رہ سکا، شہر کی سڑکوں پر گولیاں برسا کر دس افراد سے زندگی چھین لی گئی۔

شاہ زمان روڈ پرفائرنگ سے خاتون سمیت 4افراد لقمہ اجل بنے، قمبرانی روڈ پر5 افراد کو ابدی نیند سلا دیا گیا پولیس کا کہنا ہے کہ واقعہ ذاتی دشمنی کا نتیجہ لگتاہے۔

دوسری جانب دشت روڈ پر ایک شخص کو فائرنگ کرکے قتل کردیا گیا، پولیس اب تک واقعات میں ملوث کسی بھی ملزم کو تاحال گرفت میں نہ لاسکی۔

واقعے کی اطلاع ملنے پر پولیس کی بھاری نفری جائے وقوعہ پر پہنچ گئی اور علاقے کو گھیرے میں لے لیا، پولیس نے جاں بحق ہونے والوں کی لاشیں اور زخمیوں کو طبی امداد کےلئے بولان میڈیکل کمپلیکس منتقل کردیا ۔

گزشتہ روزٹیکسی پرفائرنگ کرکے قتل کیے گئے شخص کے رشتے داروں نے علمدار روڈ پر دھرنا دیا اور قاتلوں کی فوری گرفتاری کا مطالبہ کیا۔

مزید پڑھیں : کوئٹہ، سات سالہ بچی سے زیادتی اور قتل کے مجرم کو سزائے موت

ذرائع کا کہنا ہے کہ شاہ زمان روڈ پر رکشہ سوار فائرنگ کا نشانہ بنے جس میں خاتون سمیت چار افراد جاں بحق اور بچہ زخمی ہوا، قمبرانی روڈ چند گھنٹے میں دو بار گولیوں کی تڑتڑاہٹ سے گونجتا رہا جس کے نتیجے میں پانچ افراد جاں بحق اور تین زخمی ہوئے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں