The news is by your side.

Advertisement

بلوچستان حکومت کا بڑا اقدام : شہریوں کو سستے داموں آٹے کی فراہمی

کوئٹہ : بڑھتی ہوئی مہنگائی اور آئے دن آٹے کی قیمتوں میں اضافہ نے عوام کا جینا محال کر دیا ہے اس مشکل صورتحال میں حکومت کی جانب سے قائم کردہ سستا آٹا پوائنٹس عوام کے لئے کسی نعمت سے کم نہیں۔

کوئٹہ شہر میں حالیہ مہنگائی کی لہر عام آ دمی کے منہ سے روٹی کا نوالہ بھی چھیننے کے درپے ہے، آٹے کا 20 کلو کا تھیلا 1280روپے تک جا پہنچا اور آٹا غریب آدمی کی قوت خرید کا امتحان بنتا جارہا ہے۔

اس سلسلے میں بلوچستان حکومت نے عوام کو سستے آٹے کی فراہمی کیلئے مختلف مقامات پر سستا آٹا پوائنٹس قائم کردیئے ہیں جہاں سے عوام کو سستے داموں آٹا فراہم کیا جا رہا ہے۔

شہریوں کا کہنا ہے کہ اس ہوشربا مہنگائی کی صورتحال میں صوبائی حکومت کی جانب سے سستا آٹا پوائنٹس قائم کرنا ہمارے لیے کسی نعمت سے کم نہیں ہے، سستا آٹا پوائنٹس کی تعداد میں اضافہ کرکے ان کی مشکلات مزید کم کی جاسکتی ہیں۔

اس حوالے سے ڈی جی فوڈ بلوچستان مظفر ذیشان کا کہنا ہے کہ شہر کے 9 مختلف مقامات پر یہ پوائنٹس قائم کئے گئے ہیں اور 20کلو آٹے کا بیگ 930 روپے میں فراہم کیا جارہا ہے۔

حکومت اگر سستے داموں گندم کی خریداری کرکے مل مالکان کو فراہم کر دے تو آٹے کی بڑھتی ہوئی قیمتوں میں استحکام لایا جایا سکتا ہے۔

Comments

یہ بھی پڑھیں