کوئٹہ : نواحی علاقہ میں دو خواتین سمیت چار افراد کو گولیاں کا نشانہ بناکر قتل کر دیا گیا۔
پولیس کےمطابق کوئٹہ کےنواحی علاقے کلی پائند میں ٹیوب ویل کے قریب سے دوخواتین سمیت چار افراد کی لاشیں ملیں، پولیس نے موقع پر پہنچ کر لاشوں کوتحویل میں لیکر تفتیش شروع کردی، ضابطے کی کارروائی مکمل کرلی گئی ہے۔
پولیس کے مطابق لاشوں کو اسپتال میں ضروری کارروائی اور شناخت کے بعد ورثا کے حوالے کر دیا جائیگا، قتل کے حوالے سے پولیس کی مزید تفتیش جاری ہے۔
دوسری جانب پشین سے مزید تین افراد کی لاشیں مل گئیں، لیویزذرائع کے مطابق مقتولین کو کچھ دن پہلے فائرنگ کرکے قتل کیا گیا تھا، لاشوں کوشناخت کیلئے ڈسٹرکٹ اسپتال پشین منتقل کردیا گیا۔
ایف سی اور حساس اداروں نے سیٹلائٹ ٹاؤن میں ٹارگٹڈ کارروائی کی، ترجمان ایف سی کے مطابق سرچ آپریشن کےدوران علاقے سے کالعدم تنظیم کے کارندوں سمیت پانچ افراد کو گرفتارکرلیا گیا ہے۔
