site
stats
پاکستان

کوئٹہ:گیس لیکج سے گھر میں دھماکا، ایک شخص جاں بحق

کوئٹہ : گیس لیکج کے باعث دھماکے سے ایک شخص جاں بحق ایک زخمی ہوگیا۔

تفصیلات کے مطابق بلوچستان کے دارلحکومت کوئٹہ کے علاقے سبزل روڈ پر واقع مکان کے کمرے میں لیکج کے باعث رات میں گیس بھر گئی تھی، کمرے میں موجود افراد جب صبح اٹھے اور ہیٹر جلانے کے لئے جونہی ماچس جلائی تو زور دار دھماکا ہوگیا۔

جس کے نتیجے میں ستر سالہ بزرگ جاں بحق جبکہ دوسرا زخمی ہوگیا، زخمیوں کو فوری طور پر بولان میڈیکل اسپتال منتقل کیا گیا، جہاں ان کو طبی امداد فراہم کی جا رہی ہے ۔

دھماکے سے کمرہ مکمل تباہ جبکہ گھر کے باقی حصوں کو بھی نقصان پہنچا۔

پولیس حکام کا کہنا ہے کہ دھماکہ لیکج کے باعث کمرے میں گیس بھرجانے کے باعث ہوا ،موسم سرما میں ایسے واقعات میں اضافہ ہوجاتا ہے جس کے لیے عوام کو احتیاطی تدابیر اختیار کرنے کی ہدایات کی جاتی ہیں۔


مزید پڑھیں : کوئٹہ، دھماکے میں ایک شخص جاں بحق اور ایک زخمی


واضح رہے کہ حالیہ سردیوں میں گیس لیکج کے باعث دھماکے کا یہ تیسرا واقعہ ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top