کوئٹہ : کوئٹہ سے پشاور جانے والی جعفرایکسپریس اور بولان میل منسوخ کردی گئی ، مسافروں کو ٹکٹوں کی مکمل رقم واپس کی جائے گی۔
تفصیلات کے مطابق جعفر ایکسپریس کوئٹہ سے پشاور کے لیے منسوخ کر دی گئی جبکہ کوئٹہ سے کراچی جانے والی بولان میل بھی منسوخ کردی گئی ہے۔
ریلوے ذرائع کے مطابق پشاور سے کوئٹہ آنے والی ٹرین کو سبی میں روک دیا جائے گا۔
ترجمان کا کہنا تھا کہ جعفر ایکسپریس کے مسافروں کو ٹکٹوں کی مکمل رقم واپس کی جائے گی، یہ اقدام گزشتہ روز سپیزنڈ کے علاقے میں ریلوے ٹریک پر ہونے والے دھماکے کے بعد اٹھایا گیا ہے۔
حکام کا کہنا تھا دھماکے کے باعث جعفر ایکسپریس کی چھ بوگیاں پٹڑی سے اتر گئیں جبکہ ایک بوگی الٹ گئی تھی، حادثے میں 6 مسافر معمولی زخمی ہوئے تھے۔
حکام کے مطابق کہ متاثرہ ٹریک سے بوگیاں تاحال نہیں ہٹائی جاسکیں تاہم بوگیوں کو ہٹانے اور پٹڑی کی بحالی کا کام آج مکمل کرلیا جائے گا۔
