آئل کمپنیز سے بلوچستان کو معطل کی گئی پٹرول اور ڈیزل کی سپلائی تاحال بحال نہ کی جاسکی جس کے سبب کوئٹہ سمیت مختلف اضلاع میں پٹرولیم مصنوعات کی شدید قلت کا خدشہ ہے۔
اس حوالے سے آئل ٹینکراونرزایسوسی ایشن کے چیئرمین میرشمس شاہوانی نے کہا ہے کہ آئل کمپنیز کی جانب سے پٹرولیم مصنوعات کی سپلائی ابھی بھی بحال نہیں کی گئی۔
انہوں نے کہا کہ پٹرول پمپس پر تین دن کا پٹرول اسٹاک باقی رہ گیا ہے، فوری سپلائی بحال نہ ہوئی تو کوئٹہ میں پیٹرول کی شدید قلت پیدا ہوجائے گی۔
میرشمس شاہوانی نے باتایا کہ پورٹ قاسم پر10 ہزارسے زائد گاڑیاں ری فلنگ کیلئے کھڑی ہیں، سپلائی بحال ہونے کی صورت میں بھی بلوچستان میں 4دن بعد پٹرول دستیاب ہوسکتا ہے۔
مزید پڑھیں : پٹرولیم مصنوعات کی قیمتوں میں مزید اضافے کا خدشہ
قبل ازیں گزشتہ دنوں ریفائنریز کی نمائندہ تنظیم دی آئل کمپنیز ایڈوائزری کونسل (او سی اے سی) نے حکومت کو خط لکھ کر اپیل کی ہے کہ انڈسٹری تباہی کے دہانے پر پہنچ گئی ہے حکومت اسے بچانے کیلئے فی الفور اقدامات کرے۔
او سی اے سی کی جانب سے لکھے گئے خط میں کہا گیا ہے کہ روپے کی قدر میں کمی سے آئل انڈسٹری کو اربوں روپے کو نقصان ہوا، ایل سیز کے نئے ریٹس اور پیٹرولیم مصنوعات کی قیمتوں میں بڑا فرق ہے۔
