site
stats
بلوچستان

کوئٹہ : پولیس کے سامنے 3 افراد پر فائرنگ ، ملزمان باآ سانی فرار

کوئٹہ : منان چوک پر تین افراد کو سرعام چھریاں ماردی گئیں، ملزمان ہوائی فائرنگ کرتے اور باپ بیٹے کو چھریاں مارتے رہے، پولیس قریب کھڑی تماشاد یکھتی رہی۔

تفصیلات کے مطابق کوئٹہ منان چوک پرقانون کے رکھوالوں کے سامنے قانون کا خون ہوگیا۔ ضلعی عدالت کے قریب چاقو اور گولیاں چل گئیں۔

عدالت روڈ پر پرانی دشمنی کی بنا پر کارسوار غنڈوں کے گروپ نے پیشی پرآنے والے باپ بیٹے پر قاتلانہ حملہ کردیا۔

کار سوار ملزمان نے چن چن کر مخالف گروپ کے افراد پر گولیاں چلائیں اور چاقو کے وار کرکے لہو لہان کردیا۔ فائرنگ سے باپ بیٹے سمیت 3 افراد زخمی ہوگئے، زخموں سے چور افراد تڑپتے رہے کوئی ان کی مدد کو نہ آیا۔

پاس ہی کھڑے پولیس اہلکاروں پر بھی بدترین بربریت کا کوئی اثر نہیں ہوا جو خاموش تماشائی بنے قانون پامال ہوتا دیکھتےرہے، ملزمان سرعام غنڈہ گردی کرکے اطمینان سے گاڑی میں بیٹھے اورفرارہوگئے۔

وزیراعلیٰ بلوچستان نے واقعے کا نوٹس لے کر موجود اہلکاروں کی معطلی کی ہدایت کردی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top