کوئٹہ : قمبرانی روڈ پر پولیس موبائل کے قریب دھماکے سے 3پولیس اہلکار زخمی ہوگئے۔
کوئٹہ قمبرانی روڈ پر پولیس موبائل کو بارودی مواد سے اڑا دیا گیا، جس کے نتیجے میں تین اہلکار زخمی ہوگئے، فورسزنے علاقے کو گھیرے میں لے لیا ہے.
پولیس کے مطابق قمبرانی روڈ پر پولیس ٹیم معمول کے گشت پر تھی کہ سڑک کنارے نصب بم موبائل کے قریب پہنچتے ہی زورداردھماکے سے پھٹ گیا۔ دھماکے میں پولیس موبائل مکمل طور پرتباہ ہوگئی جبکہ تین اہلکار شدید زخمی ہوگئے۔
- Advertisement -
واقعے کی اطلاع ملنے پر پولیس اور امدادی ٹیمیں موقع پر پہنچ گئیں، جنہوں نے زخمیوں کو قریبی اسپتال منتقل کردیا، پولیس کی بھاری نفری کے علاقے کو گھیرے میں لیکرسرچ آپریشن شروع کردیا۔
بم ڈسپوزل اسکواڈ اور دیگر امداری ٹیموں نے بھی متاثرہ علاقے میں کارروائیاں شروع کردی.
