کوئٹہ : شراب کی دکان پر دستی بم کے حملے سے ایک شخص شدید زخمی ہوگیا۔
پولیس حکا م کے مطابق شہر کے نواحی علاقے سریاب روڈ کے قریب منیر احمد خان مینگل اسٹریٹ پر واقع وائن اسٹور پراس وقت نامعلوم موٹرسائیکل سواروں نے دستی بم سے حملہ کیا جب وہاں ایک اہلکار موجود تھا۔
دستی بم کے دھماکے سے دکان کے شیشے اورکھڑکیاں ٹوٹنے کے نتیجے میں دکان میں موجود اہلکار موتی رام شدید زخمی ہوگیا، جسے زخمی حالت میں طبی امداد کیلئے سول ہسپتال پہنچادیا گیا۔
ملزمان حملے کے بعد فرار ہونے میں با آسانی کامیاب ہوگئے ،پولیس نے نامعلوم افراد کے خلاف مقدمہ درج کرکے ان کی تلاش شروع کردی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں