The news is by your side.

Advertisement

کوئٹہ، ٹریفک حادثے میں 2 افراد جاں بحق 18 زخمی

کوئٹہ : کوئٹہ کے علاقے آب گم میں ٹریفک حادثے میں 2 افراد جاں بحق جب کہ 18 افراد شدید زخمی ہوگئے ہیں۔

تفصیلات کے مطابق کوئٹہ کے علاقہ آب گم میں ٹرک مخالف سمت سے آتی مسافر بس سے ٹکرا گئی جس کے نتیجے میں ٹرک الٹ گیا اور 2 افراد جاں بحق جب کہ 18 افراد زخمی ہوگئے ہیں۔

زخمی ہونے والوں میں خواتین اور بچے بھی شامل ہیں جب کہ حادثے میں جاں بحق ہونے والوں کی تاحال شناخت نہیں ہو سکی ہے۔

لیویز حکام کے مطابق حادثہ کی اطلاع موصول ہوتے ہی امدادی ٹیمیں جائے حادثہ پر پہنچ گئیں اور جاں بحق افراد اور زخمیوں کو ایمبولینس کے ذریعے قریبی اسپتال منتقل کردیا گیا ہے جہاں زخمیوں کو فوری طبی امداد دی جا رہی ہے۔

عینی شاہدین کا کہنا ہے کہ حادثہ ٹرک کی تیز رفتاری کے باعث پیش آیا جب کہ امدادی کام بھی سست روی کا شکار رہے جس کے باعث ہلاکتوں میں اضافے کا خدشہ ہے۔

بس کے مسافروں نے شکایت کی ہے کہ کوئٹہ میں شاہراہیں خستہ حالی کا شکار ہیں اور ٹھوٹی پھوٹی سڑکوں کی وجہ سے آئے دن حادثات رونما ہوتے رہتے ہیں جس کی روک تھام کے لیے اعلیٰ حکام کو فوری ایکشن لینا چاہیے۔

Print Friendly, PDF & Email

Comments

comments

یہ بھی پڑھیں